Ѓорческа забележа голем напредок на ВТА листата

Најдобрата македонска тенисерка, Лина Ѓорческа има сериозен напредок во двете конкуренции на најновата ВТА ранг листа.

Ѓорческа во изминатиов период помина добро на силниот фјучерс во Рим, па така денеска со 323 поени е 224 рекет на светот или поточно има скок од 25 позиции.

Во дубл пак тетовката „летна“ уште повеќе кога е во прашање напредок, 60 места и сега е 366 на планетава.

Од останатите Македонки, ранкинг има Магдалена Стоилковска (1367 во сингл) и Александра Симева (1411 во двојки).

Швјонтек пак е на врвот на листата пред Сабаленка и Рибакина.