Ѓорческа го заврши настапот во Чешка

Лина Ѓорческа не успеа да ја мине денешната пречка на фјучрсот во Чешка, а поразот од домашната тенисерка Никола Бартункова значеше нејзина елиминација во осминафиналето на овој турнир.

Домашната претставничка славеша во Преров со 2:1 во сетови, а победата ја најави со првиот сет, кој донесе три различни етапи.

Во првата, Бартункова поведе со 5:1, потоа Ѓорческа возврати за 5:5, по што сепак чешката тенисерка ги освои следните два гејма за 7:5 и важно водство.

Македонската тенисерка возврати убедливо, добивајќи го вториот сет со 6:2, но работите се променија во решавачкиот сет, во кој Бартункова лесно стигна до 6:2 и пласман во четвртфиналето.

Ѓорческа рано го заврши настапот иако беше втора носителка, а нејзината противничка во следната рунда ќе игра против искусната Андреа Гамис од Венецуела.