Ѓоковиќ ја мина втората пречка во Мадрид, чека шпански ривал во полуфиналето

Новак Ѓоковиќ мина 82 минути на теренот во дуелот со Хуберт Хуркач и без поголеми проблеми го завери својот пласман во полуфиналето на Мастерсот во Мадрид. За светскиот рекет број еден и прв носител на турнирот ова беше втор противник, бидејќи го доби четвртфиналето без борба по откажувањето на Енди Мари. Ѓоковиќ уште во вториот гејм направи брејк кој беше доволен за рутински 6:3 во првиот сет, а тој резултат го повтори и во следната и последна етапа. Овојпат на брејк се чекаше до петтиот гејм, кој се покажа како клучен и со кој беше скршен отпорот на полскиот ривал Хуркач. Противник на Ѓоковиќ во полуфиналето ќе биде подобриот од шпанското дерби Надал-Алкарас.