Ѓоковиќ победи на првиот сингл меч во Австралија, но поважна за него беше реакцијата од публиката (В

Ѓоковиќ победи на првиот сингл меч во Австралија, но поважна за него беше реакцијата од публиката (Видео)Новак Ѓоковиќ тргна со пораз во двојки во новата 2023-та година, но затоа се врати со победа во сингл конкуренција на австралиско тло и покажа дека е во одлична форма.

Србинот доби топол пречек од фановите во Аделајд по контроверзните случувања од пред една година и тоа е многу позитивна вест за него, особено поради фактот што најголемите успеси во кариерата ги оствари токму во Австралија.

Новак го победи Лестjен со 2:0 во сетови и го подигнуваше нивото на игра како што одминуваше мечот, па на крајот славеше со 6:3 и 6:2.

– Ви благодарам на сите за топлото добредојде, ви благодарам на сите што дојдовте. Не можам да се пожалам за прв меч во сингл. Играв добро, на почетокот беше изедначено, но потоа го подигнав нивото.

– Ако треба да бирам една земја во која бев најуспешен и во која бев најдобро спортски третиран, тоа е Австралоја. Овде го освоив првиот грен слем, имав епски мечеви. Ако треба да бирам еден, тоа е оној против Надал кој траеше шест часа. Секогаш се радувам на моето доаѓање тука. Околностите минатата година не беа лесни за никого, но сега сум тука и среќен сум за тоа, – изјави Ноле.