Ѓоковиќ нема да игра на Мастерсот во Синсинати

10.08.2021 Avgust Vtornik

Првиот светски рекет, Новак Ѓоковиќ одлучи да не настапи на АТП Мастерсот од серијата 1000 во Синсинати кој е на програмата од 14 до 22 август.

Српскиот ас реши да се повлече од турнирот на кој во минатото двапати славеше се со цел да одмори, закрепне од претходните предизвици и со тоа на најдобар можен начин да го дочека Ју-Ес Опен каде ќе се обиде да слави и да го комплетира каленедарскиот грен слем.

-Драги фанови, сакав да ви кажам дека ми треба повеќе време за да закрепнам. За жал нема да можам да учествувам на турнирот во Синсинати и мојот фокус е Ју-Ес Опен и да поминам некое време со моето семејство. Се гледаме во Њујорк, – напиша Новак.