Ѓоковиќ и Алкарас ги дознаа можните противници на патот до евентуалното финале на Вимблдон

Новак Ѓоковиќ и Карлос Алкарас нема да можат да се сретнат до евентуалното финале на Вимблдон, а денешниот ждреб го покажа и нивниот пат до посакуваниот трофеј.

Алкарас е прв носител, а во својот дел од ждребот ќе ги има Холгер Руне во евентуалното четвртфинале, односно Данил Медведев и Стефанос Циципас, во евентуалното полуфинале.

На страната на Ѓоковиќ се ветеранот Вавринка, Рубљов кој би му бил евентуален противник во четвртфиналето, како и двоецот Каспер Руд и Јаник Синер, од кој подобриот би играл во полуфиналето против Ѓоковиќ.

Во првото коло, противник на српскиот тенисер ќе биде Аргентинецот Педро Качин, додека Алкарас стартува против искусниот Жереми Шарди.