Ѓоковиќ го имитираше Меси во соочувањето со аргентински тенисер: Што гледаш глупаку….

Новак Ѓоковиќ ја освои титуалта во Аделејд и сега ги врши своите подготовки за Аустралијан Опен, турнир за кој денеска дозна како ќе изгледа неговиот проектиран ждреб до големото финале.

Србинот се најде на полесната страна од костурот и имаше прилично добро извлекување, но подоцна во денот стана вирален хит поради едно видео кое го сподели на Инстаграм.

Ѓоковиќ има изградено навистина добар и пријателски однос со Диего Шварцман, па сега ја искористи блискоста за да рекреира еден незаборавен момент од Светското првенство.

Ноле го имитираше нервозното издание на Лионел Меси, кој со точно истиве зборови му се обрати на Ваут Вегхорст по четвртфиналниот дуел со Холандија.

– Што гледаш глупаку, што гледаш. Оди си по патот, оди си…