Ѓоковиќ го загуби првиот сет, но потоа го прегази Дрејпер на Вимлбдон

Новак Ѓоковиќ го загуби првиот сет на премиерата на годинешниот Вимблдон, но направи целосен пресврт во дуелот со Џек Дрејпер (4:6/6:1/6:2/6:2). Првото коло донесе малку подолго задржување на теренот од страна на првиот носител, но Ѓоковиќ не дозволи поголемо изненадување и се пласираше во следната рунда. Неговиот британски ривал го доби првиот сет со 6:4, откако направи брејк уште во третиот гејм, но тоа како да го разбуди Ѓоковиќ, кој на убедлив начин ги освои наредните три сета. Дрејпер кој има само 19 години доби право настап со покана од организаторот и го доби веројатно најважниот сет во кариерата, но тоа не го спречи Ѓоковиќ да го засили темпото и да го прегази противникот во продолжение од мечот во Лондон. Во следната рунда, светскиот рекет број еден ќе игра против подобриот од мечот Андресон-Бариос.