Шундовски: Можеме да ја изненадиме Фредериција, Пелистер има тим за титула во Македонија

30.10.2024 Oktomvri Sreda

Еурофарм Пелистер утре го игра седмиот натпревар од групната фаза во Лигата на шампионите, средба во Данска против составот на Фредерија.

Фредерија е една од најслабите екипи во групата А и има само еден бод повеќе од македонскиот првак и токму поради ова предводникот на „фармацевтите“, Звонко Шундовски верува и е убеден дека со една ангажирана, посветена игра низ сите 60 миинути може да се дојде до позитивен резулат на ова гостување.

-Фредериција генерално е добар тим, доаѓа од Данска која сите знаеме што значи во европскиот и светкиот ракомет. Тоа е тим кој игра типичен дански ракомет, брзо, модерен и со доста шутеви од надвор. Имаат микс на квалитетни дански и странски играчи. Преферираат да играат брз ракомет, да играат „еден на еден“, но мислам дека може да ги изненадиме, да оствариме добар резултат.

-Со победата против Висла, тие имаат добиено самодоверба, но тоа нас не нè интересира. Имаме своја работа и подготвени сме добра игра и позитивен резултат. Сите веруваме во тоа и со правилен пристап имаме шанси, -истакна Шундовски кој смета дека Пелистер има тим за титули на домашната сцена, но и за бодови во елитното натпреварување.

-Говорот на телото“ на нашите играчи е подобар, пофокусирани сме и убеден сум дека имаа добра екипа која ќе ги покаже своите квалитети. Таа екипа е составена да го освои домашното првенство и нормално бодови во Лигата на шампионите, -подвлече популарниот Шундо.