Шпанските репрезентативки поставија ултиматум за смена на селекторот

Најголем дел од членовите на шпанската женска фудбалска репрезентација побарале смена на селекторот Хорхе Вилда.

Федерацијата добила барање потпишано од 15 фудбалерки, а во истото се бара итна промена на Вилда, кој влијаел негативно емотивно и психолошки врз репрезентативките на Шпанија.

Шпанските најдобри фудбалерки се заканиле дека ќе се откажат од настапот за репрезентацијата ако не дојде до промена, но федерацијата не сака да го прифати ултиматумот.

– Ваквите одлуки нема да ги носат репрезентативците.

– Федерацијата ќе смета само на посветени фудбалерки, дури и ако треба да настапуваат членови на младинските категории, – стои во соопштението на Шпанската фудбалска федерација.

Вилда е селектор на Шпанија од 2015 година.