Шпанска новинарка доживува хорор поради прашањето кое му го постави на Анчелоти (Фото)

Винисиус Жуниор го пропушти вчерашното гостување во Сан Себастијан поради десеттиот жолт картон кој го заработи на натпреварот против Алмерија, а неговото однесување беше повод за едно прашање кое доби едноставен одговор од Карло Анчелоти. Шпанската новинарка Марија Моран го запраша Анчелоти дали е подобро Винисиус еднаш да добие црвен картон и да ја научи лекцијата околу протестите, по што Дон Карло го одговори следното: – Црвен картон? Не му е потребно тоа. Да бидам искрен, недостасува да добие уште црвен картон после сите жолти картони кои ги доби. Мислам дека тоа му е доволно, – одговори Анчелоти. Оваа конверзација од прес-конференцијата беше споделена од шпанските медиуми, но немаше да добие толку голема важност ако Марија сега не откриеше што и се случи после поставеното прашање. Познатата новинарка се пожали преку социјалните мрежи и обелодени дека доставила пријава во полиција, откако била нападната од навивачи на Реал и добила безброј ужасни навреди и закани. – Ќе ме силувале, велат дека мојата ќерка е кучка, навредуваат едно бебенце. Се ова е пријавено во полицијата, – објави Марија на Твитер.