Шпанија запре аукција на можно одамна изгубено ремек-дело на Караваџо

09.04.2021 April Petok

Шпанија ја блокираше аукцијата на слика во Мадрид, сугерирајќи дека може да се работи за одамна изгубено ремек-дело на италијанскиот ренесансен уметник Караваџо. Почетната цена за „Крунисување со трње“ првично беше 1.500 евра (1.800 американски долари). Но, ако е навистина од Микеланџело Мериси, подоцна наречен Караваџо, може да вреди до 150 милиони евра. Сликата ја испитуваат експерти, и назначено е дека „не е за извоз“. Масло на платно од 17 век го прикажува Исус непосредно пред неговото распетие и, според каталогот на аукцијата, му се припишува на шпанскиот уметник Хозе де Рибера. Со загриженост дека делото може да се продаде во странство, шпанската влада брзо реагираше и ја блокираше аукцијата само неколку часа пред сликата да се најде под чеканот.