Шокантни моменти: Фудбалер на Челси објави видео како крадци му ги земаат сите освоени медали

16.09.2021 Septemvri Cetvrtok

Фудбалерот на Челси, Рис Џејмс на својот Инстаграм профил објави видео на кое се гледа како крадци го ограбуваат неговиот дом.

Непожелните гости влегле на имотот на фудбалерот на Челси додека тој го играл натпреварот за својот тим против Зенит во моменти кога во неговиот дом немало никој.

На снимката се гледа како неколку маскирани крадци иако со потешкотии успеваат да упаднат во домот на фудбалерот од каде изнесуваат голем сеф.

Џејмс откри дека во сефот кој е украден се наоѓале сите медали кои тој ги освоил во клупската кариера меѓу кои и последните од Лигата на шампионите како и оној освоен со Англија од Европското првенство каде „Гордиот Албион“ заврши на второто место.

Фудбалските работници во Англија се честа мета на крадците кои лесно стигнуваат до посакуваниот плен кога тие се на клупски или репрезентативни обврски.