Шерон Стоун се враќа во „Ди-си комикс“ како негативка

30.03.2022 Mart Sreda

Ѕвездата на „Ниски страсти“, Шерон Стоун, наводно ќе ја портретира злобната Викторија Корд во суперхеројскиот филм на режисерот Енџел Мануел Сото, Blue Beetle, кој ќе се појави во кината во САД в година.

Тоа ќе го одбележи враќањето на 64-годишната ветеранка во универзумот на DC Comics откако ја глумеше злобната козметичка могулка Лорел Хедар во блокбастерот „Жена мачка“.

Фановите шпекулираат дека новиот лик на Шерон ќе биде замена на моќниот Тед Корд од Blue Beetle („Сина буба“), кој во 2020 година повторно стана негативец во стриповите на „Одред самоубијци“.