Шек за Коби: Да имам една желба…

09.02.2024 Februari Petok

Коби Брајант доби бронзена статуа пред арената на Лос Анџелес Лејкерс во Калифорнија и со тоа влезе во одбрано друштво на луѓе кои ја добиле таа чест, друштво во кое е и Шекил О’Нил.

Шек и Коби имаа свои падови и подеми кога е во прашање нивниот однос, меѓутоа тоа што заедно го направија додека настапуваа за „езерџиите“ никогаш нема да биде заборавено. Тоа беше дуо кое едноставно беше незапирливо, незадржливо, асови кои перфектно надополнуваше и донесе пехари за славната организација од Калифорнија.

Токму О’Нил имаше емотивен монолог откако беше откриена статуата на човекот кого многу го почитуваше и му беше како брат.

-Прекрасна статуа. Ванеса рече дека ќе има три статуи. Ќе биде голема радост тоа да се види. Имам милион приказни за Коби и мило ми е што имав можност да играм со него. Немаше да имам три во низа без него. По се што поминавме, неговото семејство беше многу љубезно кон мене. Мило ми е што бев дел од најконтроверзниот, најдоминантниот тандем што некогаш постоел, кој никогаш нема да се повтори. Кога кажувате Коби, кажувате Шек. Кога кажувате Шек, кажувате Коби. И ако имав една желба, би сакал сега да раговараме, -порача Шек кој му се заблагодари на Џери Вест што ги спои со Коби во Лејкерс.