Шварценегер радосен дека ќе стане дедо вторпат

Арнолд Шварценегер е многу среќен што има внуче и уште едно на пат. Тој призна дека не го знае полот на бебето на бремената ќерка Кетрин. 74-годишниот актер беше на гости во емисијата на Џими Кимел во четвртокот, кога водителот му честиташе за Кетрин (32) и нејзиниот сопруг Крис Прат (42), кои ќе го благословат со уште едно внуче „на пат“. „На пат е, и ќе ви кажам едно, најлесно е да бидеш дедо“, рече Арнолд, облечен во хавајска кошула, сиво палто и темни фармерки.