Човекот кој ги помести границите: 31 година од смртта на Фреди Меркјури

Поминаа 31 година од неговата смрт. Но, времето не му може ништо на Фреди Меркјури. Што е времето против неговиот талент што многумина ги тера да кажат дека е најдобриот пејач на сите времиња.

Фреди Меркјури, легендарниот пејач на британската група Квин, ќе остане запаметен по моќниот вокал и енергијата што ги помести границите и пристапот кон музиката.

Роден е на 5 септември 1946 година, а во текот на животот испеал многу песни со кои пораснале генерации.

И помладите генерации почнаа да ја слушаат нивната музика откако пред три години во кината се појави филмот „Bohemian rapsody“, кој раскажува за животот на овој мултиталентиран и ексцентричен уметник.

Малку музичари оставиле толкав белег на уметноста, културата и публиката како Фреди Меркјури. Иако остана запаметен по екстравагантноста на сцената, не се знаеше многу за неговиот приватен живот.

Ви пренесуваме неколку интересни факти за кои можеби не сте знаеле, како што неодамна докажа науката, најдобриот пејач на сите времиња:

Фреди – уметникот со „тешко“ име

Фреди е роден во денешна Танзанија, а неговото вистинско име е Фарок Булсара. Името Фреди го добил кога почнал да свири со средношколскиот бенд The ​​Hectics во Лондон, бидејќи членовите на бендот имале проблем да го изговорат неговото вистинско име. Интересен е фактот дека Фреди се стекнал со диплома за уметност и графички дизајн. Токму тоа знаење го искористил кога дизајнирал корица за една плоча, на која стоел грбот на бендот Queen, кој според многумина претставувал пародија на грбот на Англија.

„Bohemian Rhapsody“ – песна на векот за траумите на Фреди

Фреди ја напиша оваа песна во 1975 година, а во тоа време „Bohemian Rhapsody“ се сметаше за најскапата и најдолгата песна за снимање воопшто. Таа беше на четвртиот албум на оваа група, „A Night at the Opera“. Медиумите пишуваа дека песната всушност зборува за детските трауми на пејачот. Фреди никогаш не го потврди тоа, но накратко рече дека „тоа е песна за врските“.

Фреди сакаше мачки

Легендарниот пејач ги обожавал животните, а мачките имале посебно место во неговиот живот. Во својот дом чувал неколку, а песната „Innuendo“ од истоимениот албум дури и ја посветил на својата омилена Дилајла. Во тестаментот тој барал од неговата поранешна свршеница Мери Остин да се грижи за неговите мачки по неговата смрт.

„Судирот на кралевите“

Малку е познато дека легендарниот хит на Квин, „Under pressure“ го напишаа Дејвид Боуви и Фреди Меркјури. Маратонското играње и снимањето во „микс“ со конзумирање вино и кокаин траело неколку дена. Боуви инсистираше тој и Фреди да ги снимаат вокалите одделно, за да не се слушаат, што ја прави оваа песна уште поспецијална. Никогаш не ја изведоа во живо.

Забава до зори со принцезата Дијана

Се шпекулираше дека принцезата Дијана се забавувала со Фреди и неговата екипа во периодот кога таа имала проблеми во бракот со Чарлс. Гледајќи дека е тажна, Фреди и рекол на Дијана: „Ајде душо, излези, забавувај се“. Бидејќи на Дијана и беше невозможно да се „опушти“ да влезе во некој клуб, токму Фреди ѝ предложи на принцезата да се маскира во маж и да излезе на место каде што се дружат хомосексуалците. Дијана со ентузијазам ја прифатила идејата, а особено била воодушевена од „слободата“ што ја доживеала, бидејќи можела да нарача пијалоци во барот, како и секој друг обичен човек.

Зошто не сакаше да се знае каде е погребан?

Во својот последен тестамент, Фреди и наложил на својата поранешна свршеница Мери Остин да се грижи за пепелта и никогаш да не кажува јавно што направила со урната. На почетокот на 2019 година, на гробишта во западен Лондон беше откриена плоча со натпис: „Во спомен на Фарок Балсар. Секогаш ќе бидам покрај тебе со мојата љубов. М“. Сепак, се уште никој официјално не потврдил дека урната со пепелта на легендарниот музичар се наоѓа под плочата.