Челси го потврди Фернандез, играчот потпиша договор со траење од неверојатни осум и пол години

Челси конечно го потврди трансферот на Енцо Фернандез кој во клубот пристигна од Бенфика во последниот ден од зимскиот преоден рок за сума од 120 милиони евра.

Фудбалскиот свет беше во исчекување на потврдата на овој трансфер, а истата се уште не е сторена во текстуално соопштение, туку само со објавени видеа на официјалните социјални мрежи на Челси.

На официјалниот веб сајт на клубот стои само наслов дека Енцо Фернандез е нов фудбалер на клубот, а засега се уште нема никакви официјални изјави или подетални информации за трансферот.

Она што го дознаа англиските новинари е тоа дека, Енцо Фернандез, со Челси се обврзал на неверојатна соработка од дури осум и пол години и неговиот договор ќе истече дури во 2030 година што е премногу за еден фудбалер во модерниот фудбал и е досега ретко виден случај.