Чави: Ситуацијата со Левандовски не е пријатна за никого

Барселона успеа да ги изигра дисциплинците во Ла Лига и успеа да го направи Роберт Левандовски достапен за дербито против Еспањол, кое на крајот сепак заврши со непоскуван епилог за каталонскиот великан.

Барса успеа да ги „заобиколи“ првичните одлуки на дисциплинските комисии и Левандовски доби зелено светло за настап со градскиот ривал, а причина за тоа беше најновата одлука која ја донесе судот во Мадрид.

Истата не значеше дека суспензијата од три меча е повлечена, но замрзнувањето на истата додека не се донесе конечна одлука направи Полјакот да биде достапен за тренерот Чави.

Левандовски беше стартер против Еспањол, но сега и дефинитивно ќе биде поштеден и нема да игра на Куп натпреварот против Интерсити.

– Левандовски ќе добие одмор утре. Не добива одмор поради одлуката која треба да се донесе, туку поради фактот што има многу минути оваа сезона. Тој и Педри добиваат поштеда.

– За жал, се уште владее неизвеснот кога е неговата санкција во прашање. Му порачав на Левандовски да не размислува за тоа и дека ќе добиеме дополнително известување. Проблематиката околу оваа тема не е пријатна за нас, ниту за нашите ривали, – изјави Чави.