Чави за најголемата сензација во Шпанија: Јас не сум изненаден

Џирона е хит број еден во Шпанија и резултатите на овој клуб направија да биде вистинска сезнација во фудбалската елите на Пиринеите, бидејќи по седум комплетирани кола, момците на Мичел се први на табелата пред двата најтрофејни и најголеми клуба. Реал Мадрид и Барселона во моментов гледаат во грбот на Џирона која оствари шест победи и едно реми во првите седум кола, а додека најголем дел од фудбалските фанови се изненадени од неверојатниот и неочекуван успех, Чави вели дека воопшто не е изненаден. Тренерот на Барселона не штедеше комплименти за своите градски ривали од Каталонија, посочувајќи дека клубот работи на завидно ниво веќе неколку години, но особено откако лидер на проектот е тренерот Мичел. Интересно, двајца играчи на Барселона во овој момент настапуваат како позајмени фудбалери во Барселона, па Чави не пропушти да нагласи дека се радува и поради нив. – Задоволен сум за позајмените фудбалери Пабло Торе и Ерик Гарсија, но задоволен сум и генерално за нив. Тоа што го прави Џирона заслужува голем поздрав, тоа е спектакуларно. За мене ова не е изненадување, бидејќи тие со години ги извршуваат работите многу добро. Испаднаа од Ла Лига и не паднаа во очај. Се вратија, поставија модел кој треба да се следи и Мичел заврши спектакуларна работа. Тие имаат проект на долг рок и заслужуваат секакви честитки. Сепак, за мене, нивните успеси не се изненадување, – изјави Чави.