Циципас е втор полуфиналист на Аустралијан Опен

Стефанос Циципас ја продолжи позитивната серија во 2023 година и со победата над Јири Лехечка обезбеди полуфинале на Аустралијан Опен.

Грчкиот тенисер славеше со 3:0 во сетови против едно од пријатните изненадувања кое дојде до четвртфиналето, а сетовите ги добиваше со резултат 6:3, 7:6 и 6:4.

Во полуфиналето ќе се сретне со Карим Хачанов, кој утринава не одигра ниту три сета во победата над Себастијан Корда.

Рускиот тенисер водеше со 2:о и 3:0 во третиот сет, кога Корда го предаде мечот поради повреда и го испрати ривалот во полуфиналето.

Корда беше испратен со овации од публиката во Мелбурн, додека Хачанов си обезбеди прв пласман во полуфинале на овој грен-слем турнир.