Хрватска со три гола ја „преслуша“ Македонија (ВИДЕО)

03.06.2024 Junie Ponedelnik

Фудбалската репрезентација на Македонија доживеа пораз (3-0) од Хрватска на пријателскиот натпревар што се одигра на стадионот „Рујевица“ во Ријека. Хрватите се сериозно поквалитетни и тоа успеаја да го потврдат на денешниот дуел, иако им недостасуваа и фудбалери како Модриќ, Брозовиќ, Пашалиќ. Ние го немавме капитенот Енис Барди во средниот ред и тоа многу се почувствува.

Ловро Мајер беше човек на натпреварот. Тој постигна два гола и го донесе триумфот за Хрватска.Во десеттата минута Ловро Мајер одлично изведе слободен удар од 25 метри и ја погоди мрежата на Столе Димитриевски.

Пред крајот на првото полувреме, Ловро Мајер постигна и втор погодок за Хрватска во 45.минута. По одличната акција и проигрувањето од Бруно Петковиќ, Мајер погоди на вистинското место.

Вториот дел исто така и припадна на Хрватска, која го контролираше мечот и резултатот, а Македонија не успеа да создаде ниту една сериозна шанса пред противничкиот гол.

Марко Пашалиќ во 80.минута постигна и трет гол за Хрватска.

Македонија на 10.јуни ќе одигра пријателски натпревар и против репрезентацијата на Чешка, во Храдец Кралове.