Холандија ќе ги врати уметничките дела одземени во Втората светска војна

28.06.2021 Juni Ponedelnik

Холандската Влада соопшти дека ќе ги врати сите уметнички дела кои нацистите ги одзеле од нивните сопственици за време на Втората светска војна.

Прво ќе се испита потеклото на уметничките дела, објави владата, пренесува ДПА. Ако не се најде вистинскиот сопственик, делото ќе оди во еврејските заедници, кои пак ја поздравија одлуката како „морално исправна“.

Музеите и уметничките колекции во Холандија сè уште поседуваат околу 3,2 илјади слики и предмети украдени од еврејските сопственици за време на војната.

Холандија не ја истражува сопственоста на овие уметнички дела со структуриран пристап од 2007 година. Минатата година истражна комисија назначена од владата заклучи дека тоа претставува кршење на меѓународните договори.

Централната федерација на еврејски организации потенцира дека таа отсекогаш го застапувала ставот дека Холандија на ниту еден начин не би требало да профитира од убиството на шест милиони Евреи и нивното страдање за време на Втората светска војна.