Хит-комедијата „Чекајќи го министерот“ со Лидија Вукиќевиќ во театарот во Охрид

31.03.2022 Mart Cetvrtok

Театарската претстава „Чекајќи го министерот“ со популарната српска актерка Лидија Вукиќевиќ ќе биде одиграна во неколку града низ Македонија. Оваа хит-комедија ќе гостува во Охрид во петок, на 8 април 2022 година, со почеток во 20:00 часот, во големата сала.

Станува збор за претстава која предизвика голем интерес кај публиката од бившите ју-простори и која не се одржуваше извесен период поради пандемијата на коронавирусот.

Дејството на претставата се случува во една руинирана кафеана, за чие реновирање, во очекување на доаѓање на министерот, е ангажиран дизајнер.

Покрај Лидија Вукиќевиќ, актерка која е позната кај нашата публика преку серијата „Бољи живот” и серијалот филмови „Жикина династија“, во претставата игра и македонскиот актер Сашо Ристовски, како и Семир Гигиќ, кој наедно е и автор на текстот и режисер на претставата.