Хит видео од „Сан Сиро“: Анри му го „собра“ чипсот на Бекам

Тјери Анри и Дејвид Бекам вчера биле меѓу ВИП гостите на „Сан Сиро“ и во живо го следеле натпреварот меѓу Милан и ПСЖ во групната фаза на Лигата на шампионите.

Фудбалските легенди можеа да уживаат во одличната атмосфера која ја создадоа домашните фанови, а која кулминираше и со фактот што „росонерите“ стигнаа до трите бода.

Она што стана вирално видео на интернет сепак е една сцена од пред натпреварот, а на која во главна улога се токму Анри и Бекам.

Дејвид реагираше откако сфати дека Тјери му ги собрал последните парчиња од чипсот и му приговори на Французинот за тоа, иако Анри и не се потресе премногу поради забелешката на Бекам.