Хеликоптерот „Инџенуити“ сними рекорден лет на Марс

Американската вселенска агенција НАСА испиша нови страници во историјата откако нејзиниот хеликоптер „Инџенуити“ направи рекорден лет на Марс.

Претходно, на 19 април 2022 година, „Инџенуити“ стана првото вселенско летало што успешно полета на Марс откако достигна висина од три метри, лебдеше 30 секунди, а потоа слета на површината на Марс.

Оттогаш, минијатурниот хеликоптер лета на Црвената Планета, а сега постави нов рекорд. НАСА соопшти дека „Инџенуити“ го забележал својот 25-ти и рекорден лет, за време на кој прелетал 704 метри со брзина од 3,5 м/с. Тоа беше и најдолгиот и најбрз лет на хеликоптерот на НАСА на Марс. „Инџенуити“ се искачи на висина од 10 метри и полета југозападно, достигнувајќи ја максималната брзина за помалку од три секунди. Иако станува збор за црно-бел кадар, сепак, се гледа песокот, како и релативно рамниот терен на кој може да слета без никакви проблеми. Летот траел 161,3 секунда, но истрелот бил забрзан околу пет пати, така што траел помалку од 35 секунди.

Самото слетување не е снимено бидејќи камерата е програмирана да се деактивира секогаш кога пропелерот е на еден метар од површината за да се осигури дека на него не се крева прав за време на полетувањето и слетувањето и на тој начин нема да му пречи на системот за навигација.

„Инџенуити“ лета самостојно и мора да помине низ неколку канали за да комуницира со Земјата. Прво контактира со својата база во роверот „Персеверенс“ на Марс, а потоа роверот ги испраќа податоците до орбиталниот истражувач на Марс, кој потоа ги проследува до сателитите на „Дип спејс нетворк“ на НАСА. Конечно, ДСН ги пренесува податоците до лабораторијата за млазен погон на НАСА.