Хелен Мирен го промовира „Брзи и бесни 9“

Хелен Мирен во средата го промовираше деветтото продолжение на хит-серијалот „Брзи и бесни“ во салонот на Мекларен во Беверли Хилс.

75-годишната британска актерка даде интервју за деветтиот дел од акционата сага додека стоеше пред претставништвото на Мекларен во елегантен розов костум.

Оскаровката ќе ја игра Магдалена „Квини“ Шо во претстојниот деветти дел од акционата сага „Брзи и бесни“.

Хелен претходно го портретираше ликот во осмиот дел во 2017 година, а исто така се појави во специјалното издание Fast & Furious Presents: Hobbs & Shaw во 2019 година, во кое глумат Џејсон Статам и Двејн Џонсон.

Таа првпат ќе биде зад воланот во најновиот, Fast & Furious 9, со скратен оригинален наслов FF9.