Хари и Меган поканети на крунисувањето

Принцот Хари и неговата сопруга Меган добија покана за крунисувањето на кралот Чарлс Трети, посочи портпаролот на двојката во неделата, но сè уште нема јавна потврда дали ќе присуствуваат. Подготовките за настанот во мај беа засенети од откритијата за кралот, принцот Вилијам и другите членови на кралското семејство во мемоарите на принцот Хари, документарецот на „Нетфликс“ и во низа ТВ-интервјуа. Присуството на војводата и војвотката од Сасекс на крунисувањето на Чарлс беше предмет на многу шпекулации по последиците од експлозивните мемоари на Хари, „Резерва“. Не беше јасно дали Сасекси ќе бидат поканети на свечената церемонија и дали тие воопшто ќе сакаат да дојдат. Крунисувањето на кралот и кралицата треба да се одржи во Вестминстерската опатија во сабота наутро на 6 мај. Ова се паѓа на четвртиот роденден на Арчи, синот на Хари и Меган. Портпаролот на Сасекси рече: „Можам да потврдам дека војводата неодамна добил е-пошта од канцеларијата на неговото височество во врска со крунисувањето“. „Во овој момент не можеме да откриеме непосредна одлука дали војводата и војвотката ќе присуствуваат“. Претходно оваа недела, парот потврди дека од нив било побарано да ја напуштат Фрогмор Котиџ, нивната резиденција во Велика Британија. Куќата наводно му била понудена на принцот Ендру, брат на кралот Чарлс, кој повеќе не е висока личност во семејството. На војводата Ендру му беа одземени военото покровителство и употребата на титулата HRH откога ѝ плати финансиска спогодба на една жена, која го обвини за сексуален напад, тврдење што тој го негира.