Харгривс за трансфер метата на Ливерпул и Челси: Кога имате такви бројки, вие сте во елитна категорија

21.03.2024 Mart Cetvrtok

Веќе сме во самиот финиш на оваа сезона и клубовите веќе размислуваат за потезите кои ќе ги повлечат во летниот преоден рок.

Дефинитивно ќе имаме ситуации во кои ќе имаме судир на некои тимови за еден играч, а таков може да биде примерот со Антони Робинсон од Фулам кој има навистина квалитетна сезона на позицијата лев бек и доказ за тоа се шести асистенции во Премиер лигата што не е мала работа за дефанзивец особено кој игра за мал клуб како што е оној од „Кревин Котиџ“.

Тој веќе е на мета на Ливерпул и Челси, па според Овен Харгривс тој може да биде солидно засилување како за „црвените“ така и за „сините“.

-Тешко е да се најде бек кој може да покрие толкаво растојание, тој речиси сам ја покрива целата лева страна. Но, ако можете да ги добиете овие бројки, ако можете да добиете шест асистенции до март, ќе се ставите во елитна категорија. Настапува на топ ниво. Тој е секогаш фит и секогаш игра. Мислам дека добивајќи асистенции, тој ќе биде апсолутно воодушевен од бројките.

-Мислам дека може да игра за Топ 4 тим од ПЛ.Мислам дека има капацитет и способност. Сè уште е релативно млад играч. Ако тој ги има овие броеви во тим кој не е најнапаѓачки, тогаш можете да замислите дека може да се искачи уште едно ниво. Мислам дека тој е на добро место во Фулам во моментов, игра многу добро, -рече поранешниот англиски репрезентативец.