Хали Бери проговори за битката што ја води цел живот

16.09.2021 Septemvri Cetvrtok

Хали Бери смета дека нејзините тешкотии честопати се занемаруваат поради нејзиниот изглед. Оскаровката возврати на генералниот впечаток и коментари дека имала лесен живот сугерирајќи дека луѓето бргу ја оценуваат врз основа на нејзиниот добар изглед. 55-годишната Хали за весникот „Њујорк тајмс“ изјави: „Ова е уште една битка во која се борев цел живот. Тоа е затоа што изгледам на одреден начин дека сум поштедена од какви било тешкотии. Имав загуба и болки и многу повреди и злоупотреба во животот“. „Навистина се фрустрирам кога луѓето мислат дка благодарение на мојот изглед не сум имала некое од тие искуства од реалниот живот, но јас апсолутно имам“. Хали освои „Оскар“ за најдобра актерка во 2002 година за изведбата во филмот „Топката на чудовиштето“.