Халанд му возврати на Александер-Арнолд: Тој не знае што значи да се освои „триплета“

07.03.2024 Mart Cetvrtok

Трент Александер-Арнолд го најави дербито меѓу Ливерпул и Манчестер Сити со една индиректна провокација кон противниците, но не помина многу време пред да стигне одговор од другата страна.

Десниот бек на „црвените“ истакнал дека ако се споредат начинот и парите преку кои се составени двете екипи, фановите на Ливерпул сигурно повеќе ги ценат освоените трофеи на неговиот тим, а денеска Ерлинг Халанд возвратил со коментар за ваквиот став.

– Ако сака да каже такво нешто, во ред.

– Јас сум овде една година и веќе освоив триплета. Тоа е убаво чувство, мислам дека нему не му е познато. Тие можат да зборуваат колку сакаат, навистина не ми пречи.

– Сезонава повеќе екипи се борат за титулата во Премиер лигата, а ние ќе се обидеме да го повториме успехот од лани, – рекол Халанд.