Хаверц: Луѓето мислеа дека сум Меси…

Германскиот репрезентативец, Каи Хаверц веќе неколку години е дел од премиерлигашот Челси со кого успеа да освои неколку титули од кои најважната е онаа во Лигата на шампионите во 2021 година кога токму тој го донесе пехарот на „Стемфорд Бриџ“.

Од тогаш тој е многу попочитуван во Челси, но имало и времиња кога му било тешко пред се поради очекувањата од навивачите, јавноста со оглед на тоа што своевремено го држеше рекордот за најскапо платен играч на „сините“.

-За мене цената беше голема работа. Јас бев најскапиот играч на Челси. Не разбирам како се плаќаат толку многу пари, но тоа е нормално е во фудбалот: погледнете ги нашите неодамнешни трансфери. Тоа носи притисок затоа што луѓето мислат дека сте Меси. Јас сè уште имав 20, 21. Луѓето тоа не го гледаат. Тие ја гледаат цената и затоа мора да бидете одлични од првиот ден. Може да го почувствувате тоа, напнатоста. Го читате, слушате. Дојдов за време на Ковид, -истакна Каи кој откри како се справува со високите очекувања.

-Мора да бидете стабилни. Ако играте лошо, тоа не ве прави најлошата личност на планетава и издигнувањата не се реални. Сè се движи брзо: Последните неколку месеци се добар пример. Секој е вознемирен од мене, не давам гол, играм лошо, ова е лошо, она е лошо, тие треба да ме продадат. Сега давам голови сите велат дека сум најдобриот играч. Луѓето ме сакаат сега, но можеби за две недели повторно ќе ме мразат. Без оглед колку добро играм, се враќам дома и мојата девојка сака да ги ставам чините во машината за миење садови, -порача Германецот за „Гардијан“,