ФФМ организатор на првиот фитнес судиски семинар надвор од рамките на УЕФА

Фубалската Федерација на Македонија е во тесна врска со УЕФА при секоја важна одлука која е поврзана за развој на фудбалот и инфраструктурата во нашата земја, но највисокото тело во нашата земја сега организираше и еден индивидуален проект кој е надвор од рамката на Европската Федерација.

ФФМ е организатор на првиот регионален фитнест камп на судии, а како главен иницијатор на проектот дозволи присуство на претставници од десет држави од регионот.

На судискиот камп кој на овој начин се организира за прв пат воопшто во Европа, пријавени се интернационални судии од Словенија, Хрватска, БиХ, Србија, Црна Гора, Косово, Романија, Бугарија, Албанија и Македонија. Судиите кои ќе ја следат тродневната програма ќе имаат можност да се запознаат со најновите програми и потреби за натпреварувањата во рамки на УЕФА.

Фудбалската федерација на Македонија за потребите на судискиот камп успеа да го обезбеди за предавач главниот тренер на УЕФА, Вернер Хелсен, кој ги селектираше и подготвуваше судиите за последните три Светски првенства и последните шест Европски првенства.

За главниот тренер на УЕФА за подготовката на судии, гостувањето во Македонија на покана на ФФМ се случува по вторпат, откако во октомври 2021 година беше предавач на семинарот за сите национални главни и асистенти судии од Прва и Втора МФЛ.

Теоретските и практичните сесии од претстојниот камп ќе бидат реализирани од нашиот национален фитнес тренер за фудбалски судии, Сашо Даневски, кој воедно е првиот македонски кондициски тренер ангажиран од страна на УЕФА.

Фудбалската федерација на Македонија со низата реализирани активности во изминатите три години, добива позитивна препорака од европската конвенција на УЕФА и служи како позитивен пример за напредок, имплементација и спроведување на потребните судиски стандарди и норми.

– Под покровителство на Фудбалската федерација на Македонија од 24. до 26. јуни ќе бидеме организатори на првиот балкански фитнес камп за судии надвор од рамка на УЕФА. Семинарот содржи практичен и теоретски дел и сметаме дека ќе има големо значење за судиите за нивниот напредок. Последно сме горди што ФФМ е покровител на семинарот и од име на целата наша судиска организација упатувам голема благодарност до раководството на федерацијата, – изјави Димитар Мечкаровски, претседател на Судиската организација во рамки на ФФМ.