ФФМ ги пушти во продажба билетите за гостувањето во Бугарија

Македонската фудбалска репрезенација ќе ги отвори новите возбудувања во Лигата на нации со пресметка со соседот Бугарија, селекција која ќе ни биде домаќин на натпреварот кој ќе се одигра во Разград на 2-ри јуни. Селекторот Благоја Милевски денеска ќе одржи прес-конфернеција како најава за овој дуел, а Фудбалската Федерација на Македонија ги пушти во продажба и билетите за сите заинтересирани фанови кои сакаат да бидат дел од споменатиот натпревар. – Поддржувачите на македонската А репрезентација кои сакаат ја бодрат нашата селекција на натпреварот Бугарија – Македонија во Разград на 2. јуни од Лига на нации, од денеска (26. мај 2022), можат да купат билети за мечот на стадионот „Хувефарма“ преку официјалниот партнер на ФФМ за продажба на билети, MKTikets. Цената на билет за натпреварот е 600 денари (вклучено ДДВ и достава). ЛИНК за купување на билети за натпреварот Бугарија – Македонија: https://www.karti.com.mk/etickets/TicketList.aspx?pEventID=4312 Продажбата ќе трае до понеделник (30. мај 2022). Своите билети за натпреварот, купувачите ќе ги добијат во вторник (31. мај 2022), преку карго достава на адресата која ја имаат наведено при електронското купување на билетите. Едно лице ќе може да купи најмногу четири билети со пополнување на бараните податоци за идентификација (име и презиме, датум на раѓање, број на пасош, контакт телефон). Сите билети кои Фудбалската федерација на Македонија има можност да ги понуди за продажба на македонските навивачи се во секторот на стадионот определен за гостинските навивачи. Ги повикуваме сите љубители на фудбалот и поддржувачи на македонската репрезентација со фер и коректно навивање да им помогнат на „Рисовите“ да дојдат до вредни бодови на отворањето на новото издание од Лига на нации.