Фудбалерите насмеани на првиот собир пред битките со Грузија и Бугарија (ВИДЕО)

Македонските репрезентативци ја започнаа мисијата Грузија и Бугарија со првиот собир што го имаа во хотелот „Хилтон“ во Скопје.

Многу пробеми има нашата селекција на чело со Благоја Милевски, тројца играчи Дарко Чурлинов, Стефан Ристовски и Ваљон Етеми мораа да откажат поради повреди, претходно во „аут“ се Ердон Даци и Тихомир Костадинов, некои играчи „вчера“ најдоа клуб, некој како Давид Бабунски се уште го нема решено клупското прашање, а останува под знак прашање во каков ритам, форма се и некои други репрезентативци со оглед на тоа што ја немаат посакувата минутажа во клубовите.

Сето ова прави дуелите со Грузија и Бугарија да бидат голем предизвик, но првиот собир беше позитивен и тоа се гледа по насмевката на играчите и селекторот.