Фудбалерите на Јувентус поделени околу карантинот, Ањели испратил ултиматум

Јувентус се најде во навистина тешка ситуација по поразот од Макаби Хаифа во Лигата на шампионите, па стручниот штаб и раководството го загубија трпението со фудбалерите кои не ги остваруваат посакуваните резулт Навивачите се разочарани не само од поразите, туку и од изостанувањето реакција од страна на нивните миленици и безидејноста на тренерот Алегри, но и последната вест која ја пренесоа медиумите. Дел од играчите на Јувентус не се согласуваат со одлуката на Алегри првиот тим да остане во карантин до градското дерби со Торино, што според фановите е дополнителен знак за несериозниот став на дел од ростерот и немањето чувство за актуелната голема криза во редовите на „бјанконерите“. „Газета дело Спорт“ пак пренесува дека претседателот Андреа Ањели бил лут и засрамен како никогаш од поразот од Макаби и им одржал лекција на сите членови на сениорскиот тим. Првиот човек на Јувентус им порачал на сите кои се вклучени во работата на сениорскиот тим дека ќе бидат под секојдневна евалуација и дека веќе нема да се толерира несериозен однос. Ањели не ја исклучува и одговорноста на Алегри, но тренерот и фудбалерите ќе добијат последна шанса до СП во Катар.