ФОТО | Стара скица на Фреди Меркјури е продадена на аукција за 1,6 милиони евра

Ракописот на познатиот хит на Квин, „Bohemian Rhapsody“, напишан од Фреди Меркјури, беше продаден на аукција во „Сотби“ во Лондон во средата вечерта за 1,6 милиони евра.

Овие 15 страници напишани со молив и хемиско пенкало на хартија со логото на сега веќе непостоечката „British Midland Airways“ го откриваат процесот зад создавањето на овој вонвременски хит.

Фото: EPA-EFE/SARAH YENESEL

Меѓу другото, од ракописот е видливо дека песната би можела да се нарече и „Mongolian Rhapsody“.

Пред аукцијата, Сотби ја процени вредноста на ракописот меѓу 930.000 и 1,4 милиони евра.

Клавирот на Фреди Меркјури, на кој пејачот на Квин ја компонирал „Bohemian Rhapsody“, беше продаден на аукцијата на Сотби за два милиони евра.

Меркјури го купил клавирот од брендот Јамаха во 1975 година за илјада фунти.