ФОТО И ВИДЕО | Поп-иконите ги здружија силите — Мадона и Кајли Миног ја објавија првата заедничка песна во кариерата
- Aleksandar Santovski
- Aug 7
- 2 min read
07.08.2026 Avgust Petok
По долгогодишните шпекулации, Мадона и Кајли Миног конечно ја објавија својата прва заедничка песна. Станува збор за „Love Sensation (Afterhours Mix)“, ремикс на песната „Love Sensation“ од најновиот албум на Мадона, „Confessions II“, објави „Ролинг стоун“.
Нумерата, продуцирана од Стјуарт Прајс, ги спојува вокалите на двете поп-икони, а е објавена во две верзии – „Afterhours Radio Edit“ и подолгата „Afterhours Mix“.
Иако Кајли Миног претходно ги демантираше гласините дека ќе се појави на албумот „Confessions II“, се покажа дека тие сепак не биле целосно неточни. Минатата недела таа му се придружи на Мадона на сцената за време на концертот во Амстердам, каде што двете заедно премиерно го изведоа ремиксот.
Ова е нивната прва заедничка песна, но не и прв настап заедно. Во 2024 година тие првпат настапија на иста сцена за време на концертот на Мадона во Лос Анџелес, кога ја изведоа „I Will Survive“ на Глорија Гејнор, а потоа и големиот хит на Миног „Can’t Get You Out of My Head“.
„Love Sensation (Afterhours Mix)“ пристигнува во период кога Мадона бележи уште еден голем успех. Нејзиниот албум „Confessions II“ стана нејзин десетти албум што се искачил на првото место на американската топ-листа „Билборд 200“.„Со зборови не можам да опишам колку сум благодарна и изненадена од приемот што го доби „Confessions II“. Ви благодарам на сите што беа дел од ова патување, а особено на моите обожаватели. Позитивната енергија и поддршката беа неверојатни“, напиша Мадона на Инстаграм.
Албумот содржи 16 песни, меѓу кои се „Danceteria“, „I Feel So Free“ и „Bring Your Love“, дует со Сабрина Карпентер, а неговото објавување беше проследено и со краткометражен филм, чија премиера се одржа во јуни на Филмскиот фестивал „Трајбека“.
Comments