top of page

ФОТО+ВИДЕО | Која е Барбара Бач? Обвинета е дека го исмејуваше Исус на отворањето на Олимписките игри во Париз

Jul 31, 2024
2 min read

30.07.3034 Juli Vtornik

Не стивнуваат реакциите за настапот на отворањето на Олимписките игри, во текот на кој, според некои толкувања, беше карикирана уметничката фреска на Леонардо да Винчи – Тајната вечера. Една од хероините на претставата е активистката Барбара Бач (43), која според нив го претставувала Исус.

Фото: Принтскрин/Инстаграм

Иако организаторите им се извинија на католиците и на другите христијани кои беа налутени од сцената на свеченото отворање, дебатата не стивнува.

Диџејката и продуцентка Барбара Бач, поради својот настап го привлече вниманието на отворањето на Олимписките игри во Париз. Многумина ја критикуваа бидејќи сметаат дека го исмејувала Исус.

Таа седеше на средина, а околу нејзе имаше дваесетина изведувачи помеѓу кои и дрег-кралици. На главата носеше украс кој потсетуваше на ореол.

По многубројните критики од страна на десничарските политичари и верници, организаторите на Олимписките игри упатија извинување и изјавија дека намерата не им била да навредат никого. Некои настапот го сметаат како „славење“ на ЛГБТ заедницата и инклузивноста.

Барбара е истакната личност и активистка во ЛГБТ-заедницата. Ја промовира телесната позитивност, односно љубовта кон сопственото тело. За да ја крене свеста за телесната позитивност, таа позираше гола за насловната страница на магазинот „Телерам“.На својот инстаграм-профил сподели снимка од својот перформанс на Олимписките игри и напиша: „Јас сум ‘љубовна активистка’, диџејка и продуцентка од Париз. Мојата цел е да ги обединам луѓето, да ги соберам и да ширам љубов преку музиката за сите да танцуваме и да направиме срцата да ни чукаат во ист ритам. Музиката звучи подобро кога сме сите вклучени“.

Таа својата кариера ја започнала настапувајќи во барови и на забави во Монпеље во Франција, под псевдонимот „Scratcheuse de gazon“. Подоцна се преселила во Париз и почнала да настапува во концертските сали „Роза Бонер“, „Машин ди Мулен Руж“  итн.

Барбара ги застапува правата на хомосексуалните личности. Поради придонесот кон ЛГБТ-заедницата во 2021 година, доби награда за ЛГБТИ-личност на годината од француското здружение на ЛГБТИ-новинари.





 
 
 

Comments


bottom of page