ФОТО: 28.000 македонски навивачи го проследија големото реми!

Фудбалската репрезентација на Македонија освои голем бод против европскиот првак Италија, на патот кон следното Европско првенство. „Аѕурите“ поведоа преку Чиро Имобиле, меѓутоа предноста ја анулира капитенот Енис Барди со мајсторија директно од слободен удар.

Како и по обичај, натпреварите против европските „големци“ предизвикуваат голем интерес кај пошироката јавност. Иако оваа Италија не е како во претходните циклуси со ѕвезди и големи имиња, сепак, трибините на Арената „Тодор Проески“ беа одлично исполнети. Според официјалните бројки кои ги сподели Фудбалската федерација на Македонија, на трибините имаше дури 28.000 навивачи!

Оваа бројка е за почит, особено ако се земе в предвид фактот дека источната трибина беше затворена за навивачи и таму само во еден сектор беа сместени педесетина италијански фанови.