Фон Дер Лајен: ЕУ се солидаризира со народот на Македонија во ова тешко време

16.03.2025 Мart Nedela

Сочувство за трагедијата во Кочани изразија претседатели и премиери од Европа

Претседателката на Европската комисија, Урсула фон дер Лајен изрази жалење за трагичната загуба на животи во пожарот во Кочани.„Жал ми е за трагичната загуба на животи во пожарот во Кочани. Моето најдлабоко сочувство до семејствата на жртвите и сите погодени. ЕУ се солидаризира со народот на Северна Македонија во ова тешко време“,напиша Фон Дер Лајен на социјалната мрежа Икс.

Сочувство за трагедијата во Кочани изразија претседатели и премиери од Европа.

Во пожарот во дискотеката „Пулс“ во Кочани загинаа најмалку 59 луѓе, а 155 се повредени. За четири лица е распишана централна потерница, информираше министерот за внатрешни работи Панче Тошковски.