ФИФА: Инфантино се откажа од продажбата на Светското првенство

01.08.2026 Avgust Sabota

ФИФА планираше да собере до 4,2 милијарди долари со продажба на 20 проценти од акциите во новата компанија што ќе управува со нејзините натпреварувања, вклучувајќи го и Светското првенство.

Предлогот, првпат презентиран во вторник, веднаш наиде на жесток отпор. УЕФА, управното тело на европскиот фудбал, се закани дека ќе го бојкотира натпреварувањето и ја обвини ФИФА дека ја става „душата“ на фудбалот на продажба.„Откако внимателно ги сослуша сите мислења, стана јасно дека проектот предизвикал поделби кои, без оглед на нивото на поддршка, повеќе не беа во интерес на целта што сакавме да ја постигнеме со него“, рече Инфантино во соопштение објавено во петокот вечерта. „Нашата цел отсекогаш била – и отсекогаш ќе биде – да обединиме и да го унапредиме фудбалот. Затоа, овој предлог се напушта“, додаде тој.Breaking: FIFA president Gianni Infantino has scrapped his proposal to sell stakes in the World Cup after widespread backlash, including from within global soccer's governing body, and a threatened boycott by European Nations.More: https://t.co/KcABnBesSo pic.twitter.com/TdTMOm8oGF— ESPN FC (@ESPNFC) July 31, 2026

Писмо до сите

ФИФА тврдеше дека продажбата на малцински удел во нејзините комерцијални операции би обезбедила милијарди долари за развој на фудбалот низ целиот свет и ги обвини медиумите дека погрешно го претставуваат предлогот. Инфантино испрати писмо до земјите-членки на ФИФА во кое наведува дека секоја од нив ќе добие 40 милиони долари доколку го поддржат предлогот до 19 септември.

Голем удар за Инфантино, неговата десна рака поднесува оставка: „Не можам мирно да го гледам ова“„Мојата намера во наредните денови и недели е да ги зближам сите засегнати страни во духот на заеднички интерес во нашиот спорт, со цел да продолжиме да го развиваме фудбалот низ целиот свет, особено во земјите на кои им е најпотребна нашата поддршка“, рече Инфантино.