Филмски награди БАФТА 2022: „Дина“ води со 11 номинации

Британската академија за филм и телевизија (БАФТА) ги објави номинациите за годинешните филмски награди, а во нив доминираат Dune („Дина“), The Power of the Dog („Моќта на кучето“) и Belfast („Белфаст“). Научнофантастичниот епик „Дина“, кој може да се пофали со ѕвездена актерска екипа, вклучувајќи ги Тимоти Шаламе и Зендаја, предводи со 11 номинации. „Моќта на кучето“, готски вестерн со Бенедикт Камбербач во главната улога како опасен каубој, доби осум номинации. „Белфаст“ на сер Кенет Брана, црно-бело прераскажување на неговото детство во Северна Ирска, доби шест номинации. Последното појавување на Даниел Крег како Бонд во „Не е време за умирање“ има пет номинации, вклучително и за извонреден британски филм.