Филм: „Фантастични ѕверки 3“ – Тајните на Дамблдор

Во градските кина, македонската публика веќе може да го гледа новиот дел од франшизата „Фантастичните ѕверки“, сега насловен „Тајните на Дамблдор“ (Fantastic Beasts: The Secrets of Dumbledore).

Во него професорот Албус Дамблдор знае дека моќниот волшебник Гелерт Гринделвалд се обидува да преземе целосна контрола врз магичниот свет. Свесен дека не може да го победи сам, Дамблдор бара помош од магизоологот Њут Скамандер. Неговата екипа составена од волшебници, волшебнички и од еден храбар неволшебник тргнува во опасна мисија, во која се среќава со стари и со нови ѕверови и со верната легија на следбеници на Гринделвалд.

Улогите ги толкуваат: Мадс Микелсен, Џуд Лоу, Кетрин Вотерстон, Еди Редмејн, Езра Милер, Алисон Судол, а режијата е на Дејвид Јејтс.