Филм: „Волшебна новогодишна бајка со Биби и Боби“ – за најмладите

„Волшебна новогодишна бајка со Биби и Боби“ е македонскиот анимиран филм кој публиката може да го погледне во градските кина.

За оваа анимирана семејна авантура, гласовите ги позајмуваат Слаѓана Вујошевиќ, Сашко Коцев, Никола Ристановски, Сашка Димитровска, а режијата е на Никола Чикос.

Во филмот се прикажува весела новогодишна ноќ во домот на Биби. Притоа Биби, Зази, мама Ана и тато Тино се подготвуваат да ја китат елката, а на гости се дојдени Боби и Зина. Некој прави колачиња, некој изведува магионичарски трикови, се пеат весели песнички и… никој не насетува какви волшепства, изненадувања и најнеобични пријателства ќе им донесе на Биби и Боби оваа „снешкастична“ Нова година…