Филип Стевановски, познат музичар и член на бендот „ДНК“ загина во пожарот во Кочани

16.03.2025 Mart Nedela

Познатиот музичар Филип Стевановски од Куманово, кој беше член на бендот „ДНК“ трагично загина во пожарот во Кочани кој избувна за време на настапот на „ДНК“, пренесе штипската телевизија Стар.Веста за неговата смрт ја потврди и Центарот за култура – Штип, каде Стевановски од неодамна беше назначен за директор.„Со длабока тага и неверување ја споделуваме веста дека нашиот раководител Филип Стевановски трагично го загуби животот во несреќниот настан во Кочани. Иако беше со нас неполни два месеци, неговата посветеност, професионалност и човечност оставија неизбришлива трага во нашиот тим.Изразуваме искрено сочувство до неговото семејство, пријателите и сите кои го познаваа.Нека почива во мир“, пишува во соопштението.

Стевановски беше продуцент, пијанист, тромбонист и композитор, магистар по џез науки, а вработен беше како професор во Државниот музички училишен центар (ДМУЦ) „Сергеј Михајлов“ – Штип.

Стевановски своето основно образование го завршил во Куманово. Своето школување го продолжува во „Илија Николовски – Луј“ Скопје, а подоцна своето образование го усовршува во Америка. Завршува два факултети вокално инструментален оддел класична музика и џез оддел.