Фиби Диневор не се срами кога нејзините родители ги гледаат жешките сцени во „Бриџертон“

09.08.2021 Avgust Ponedelnik

На Фиби Диневор не ѝ е непријатно кога нејзините родители ги гледаат секс-сцените во „Бриџертон“. Актерката ја глуми лејди Дафни Бриџертон во драмската серија на „Нетфликс“, но не се чувствува лошо дека нејзините славни родители – актерката Сали Диневор и писателот Тим Диневор – ја гледаат во интимно издание затоа што смета дека веројатно разбираат подобро од повеќето луѓе, со оглед на сопствените кариери. „За среќа, тие се во индустријата претпоставувам дека веројатно сфаќаат повеќе од останатите. Мислам дека се навистина горди што ме видоа како работам напорно во серијата“, рече таа во интервју за „Мирор“. Фиби признава дека не претпоставувала колку успешна ќе биде серијата. Таа додаде за британскиот весник: „Кога се снимаше всушност немавме идеја што ќе биде. Се прашувавме што е ова. Најчесто снимавме во мрак и се надевавме на најдоброто. „Сите се збиживме, многу се смеевме, беше интересно“.