Ферстапен најбрз и во Бразил, Алонсо ја доби битката со Перез за подиумот (ВИДЕО)

Старо-новиот Ф1 шампион, Макс Ферстапен обезбеди нов триумф, број 17 во оваа сезона и тоа трката за Голема награда за Бразил.

Холанѓанецот едноставно е недопирлив, нерешлива енигма за ривалите, па така во негов стил беше најбрз на патеката Интерлагос, поточно го комплетираше перфектниот викенд со оглед на тоа што претходно славеше и во спринтот во Сао Паоло.

Второто место му припадна на Ландо Норис, додека Фернандо Алонсо и Серхио Перез имаа голема борба за третата позиција и место на подиумот, битка која му припадна на Шпанецот во фото финиш.

Бодови освоија уште Строл, Сајнц, Гасли, Хамилтон, Цунода и Окон.

До крајот на овој Ф1 шампионат остануваат уште две трки во Лас Вегас и Абу Даби.