Ферстапен во елемент: Макс обелодени што ќе направи ако во иднина добие 20 секунди казна

29.10.2024 Oktomvri Vtornik

Макс Ферстапен доби жестока казна за два маневри на трката за големата награда на Мексико, па тоа направи да се задоволи со шесто освоено место на гран-прито кое се возеше изминатиов викенд.

Светскиот шампион доби две казни од по десет секунди за два ризични потези во дуелот со Ландо Норис, а бидејќи ФИА со истата испрати јасна порака пред завршното сценарио во Формула 1 на последните четири трки, новинарите го запрашаа Макс дали стравува од слично сценарио и на трките во Бразил, Лас Вегас, Катар и Абу Даби.

Возачот на Ред Бул традиционално е саркастичен и со доза на потсмевање ги прифаќа казните од ФИА, па во тој стил продолжува и по трката во Мексико.

Ландо успеа да ја намали разликата на 47 бода во генералниот пласман, а Ферстапен најави дека во иднина ќе си побара пијачка во боксот доколку стјуардите му доделат нова казна.

– Можеби ќе земам пијачка во питстопот. Моторот беше изгасен 20 секунди, имав доволно време за такво нешто, – гласи изјавата на Макс.