Фернандеш: Има една разлика, Ливерпул се бори за титула, а ние…

20.04.2022 April Sreda

Манчестер Јунајтед не се прослави и на втората сезонска битка против Ливерпул во Премиер лигата, па доживеа уште еден тежок пораз овојпат со 4-0 на „Енфилд Роуд“.

Гостите едноставно немаа никаков одговор за домашните фудбалери кои многу добро знаеја што прават во секој момент, секоја акција. Со вој негативен резултат „црвените ѓаволи“ направија чекор наназад во борбата за Топ 4, односно ќе треба да види каква ќе биде реакцијата на екипата почнувајќи од гостувањето во Лондон кај Арсенал за три дена.

-Им се извинувам на навивачите. Тоа никогаш не е доволно, но тоа е се што можеме да направиме. Тие заслужуваат многу повеќе од нас. Мислам дека секој од нас даде 100% од себе и вложи напори, но не одигравме доволно добро,-рече Бруно Фернандеш и додаде:

-Ливерпул се бори за титулата, тоа е разликата. Ние не се бориме за ништо. Треба да се погледнеме и да се обидеме да разбереме што не е во ред, -порача Португалецот.